Блог
Главная »
2010 » Апрель » 3 » ԱՄՆ-ը միջուկային սպառազինությունը Թուրքիայում
12:50 ԱՄՆ-ը միջուկային սպառազինությունը Թուրքիայում |
ԱՄՆ-ը կարող է հրաժարվել ՆԱՏՕ-ի անդամ երկրներում, այդ թվում նաև` Թուրքիայում մարտավարական միջուկային զենքի հետագա գտնվելուց` ռազմավարական հարձակողական սպառազինությունների մասին նոր պայմանագիրը Ռուսաստանի հետ ապրիլի 8-ին ստորագրելուց հետո: Ինչպես հաղորդում է անգլիական «Թայմս» թերթը, ԱՄՆ միջուկային զենքի զինանոցի քննության ենթարկելուց հետո նախագահ Օբամայի ադմինիստրացիան ծրագրում է հրաժարվել Ջորջ Բուշի ժամանակ ընդունված միջուկային զենքի դոկտրինայից, որը Միացյալ Նահանգների համար հնարավորություն է նախատեսում գրոհել միջուկային ներուժ չունեցող պետություններին:
Նախագահ Օբամայի միջուկային քաղաքականության գլխավոր կետը ԱՄՆ կողմից առաջինը միջուկային զենք օգտագործելու հնարավորությունը բացառող հռչակագրի ընդունումն է: Վաշինգտոնը նաև ծրագրում է հետ կանչել ՆԱՏՕ-ի անդամ երկրներ Բելգիայում, Թուրքիայում, Իտալիայում, Գերմանիայում և Նիդերլանդներում տեղակայված մարտավարական B61 միջուկային 200 ծանր ռումբերը: Նախկին համաձայնագրերով, այդ երկրների զինված ուժերի ռազմական ռմբակոծիչները հակամարտության ժամանակ ԱՄՆ հավանության դեպքում կարող էին ամերիկյան B61 ռումբեր փոխադրել:
Այդ երկրներում, Թուրքիան ներառյալ, միջուկային ռումբերի հետագա գտնվելու մասին որոշումը պետք է քննարկվի ՆԱՏՕ-ի շրջանակում: Մի շարք երկրներում գտնում են, որ ոչ մի իրավական հիմնավորներ չկան Եվրոպայում այդ ռումբերի պահպանման համար: Ներկայում Թուրքիայի Ինջիռլիք ամերիկյան ռազմական բազայում 90 մարտավարական միջուկային ռումբեր կան, որոնցից 50-ը գտնվում են ամերիկյան, 40-ը` թուրքական կառավարության վերահսկողության տակ:
|
|
Просмотров: 554 |
Добавил: Voskanapat
| Рейтинг: 0.0/0 |
