Блог
Главная »
2010 » Апрель » 3 » Ադրբեջանական գնդապետի հանելուկային մահը
12:54 Ադրբեջանական գնդապետի հանելուկային մահը |
Ադրբեջանի պաշտպանության նախարարության հրաձգային վարչության բաժնի պետ գնդապետ Գասըմ Ռամազանովը հայտնաբերվել է իր աշխատասենյակում մահացած: Նրա մահը տարբեր լուրերի պատճառ է դարձել: Ադրբեջանական «Բիզիմ յոլ»-ին հասած տեղեկություններով, Գ.Ռամազանովի աճյունը նրա ծննդավայր Զաքաթալայի շրջանի Թալա գյուղ ուղեկցած Ադրբեջանի ՊՆ բարձրաստիճան սպաները թույլ չեն տվել բացել դագաղը, ինչը կասկածներ է առաջացրել:
Տեղի բնակչության մեջ լուրեր են պտտվում, որ Գ.Ռամազանովն իր աշխատասենյակում հրազենով սպանվել է: Թերթը հայտնել է, որ մարտի 31-ին Ադրբեջանում մի քանի սենսացիոն ինքնասպանություններ են տեղի ունեցել: Իրավապահ մարմինների աղբյուրը թերթին հայտնել է, որ Ադրբեջանի ազգային անվտանգության նախարարության գլխավոր հետաքննչական մեկուսարանում պահվող 51-ամյա Սադրադդին Խանգուլու օղլու Սեյֆուլլաևը մեկուսարանում կախել է իրեն: Ս.Սեյֆուլլաևը մեղադրվում էր Իրանի երկու քաղաքացիների հետ համատեղ 31 կգ 500 գ թմրանյութ Իրանից Ադրբեջան բերելու մեջ:
Նա համարվում էր Իրան-Ադրբեջան-Ռուսաստան երթուղով թմրանյութերի տարանցման նարկոբարոններից մեկը: Բինագադի շրջանում բնակության շենքի գազատար խողովակից կախվելով ինքնասպանություն է գործել Վրաստանի քաղաքացի 20-ամյա Անար Ադըգյոզալովը: Իքնասպանության պատճառների մասին տեղեկություններ չկան: Նա Բաքու էր եկել աշխատելու համար և բանվորություն էր անում շինարարությունում:
Շաքիի շրջանի Բոյուք Դահնա գյուղի բնակչուի Գյուլմայի Գասըմովան բենզին է լցրել իր վրա և վառվել: Բժիշկներին չի հաջողվել փրկել նրա կյանքը: Գորանբոյի շրջանի Ազիզբեկով գյուղի 44-ամյա բնակիչ Վագիֆ Վերդիևը իրեն կախել է գերեզմանոցում: Նրա դիակը հայտնաբերվել է իր մոր գերեզմանի վրա կառուցված ծածկից կախված:
|
|
Просмотров: 660 |
Добавил: Voskanapat
| Рейтинг: 0.0/0 |
