Блог
Главная »
2010 » Март » 30 » Ա.Դավութօղլուն և Թուրքիայի «զգայնությունը»
10:53 Ա.Դավութօղլուն և Թուրքիայի «զգայնությունը» |
Թուրքիայի արտաքին գործերի նախարար Ահմեդ Դավութօղլուն մարտի 28-ին 40 րոպե տևողությամբ հեռախոսազրույց է ունեցել ԱՄՆ պետքարտուղար Հիլարի Քլինթոնի հետ: Ինչպես հաղորդում են թուրքական «Հուրիեթ» և «Սաբահ» թերթերը, խոսելով ԱՄՆ Ներկայացուցիչների պալատի արտաքին հարաբերությունների հանձնաժողովի ընդունած Հայոց ցեղասպանության ճանաչման բանաձևի և հայ-թուրքական հարաբերությունների կարգավորման գործընթացի մասին` Թուրքիայի արտաքին գերատեսչության ղեկավարը հույս է հայտնել, որ նախագահ Օբաման հայ ժողովրդին հղելիք իր ապրիլքսանչորսյան ուղերձում հաշվի կառնի Թուրքիայի զգայնությունը ցեղասպանության հարցի նկատմամբ:
Դավութօղլուն ընդգծել է, որ երրորդ երկրներում պատմությունը դատապարտող բանաձևեր ընդունելը բացասաբար է ազդում Հայաստանի և Թուրքիայի միջև առկա գործընթացին, և որ անհրաժեշտ է ուշադրություն դարձնել այդ հանգամանքին: «Մենք ակնկալում ենք, որ համաշխարհային ուժ հանդիսացող ԱՄՆ-ը կդրսևորի ոչ թե երկրներին միմյանցից հեռացնող, այլ` մերձեցնող պահվածք: Մենք մեր այդ ակնկալիքը հայտնել էինք նաև ԱՄՆ Ներկայացուցիչների պալատի արտաքին հարաբերությունների հանձնաժողովում տեղի ունեցած քվեարկությունից առաջ:
Ոչ միայն Հայաստանի և Թուրքիայի, այլ ամբողջ Կովկասի վրա դրական ազդեցություն թողնող այդ գործընթացը չպետք է ներքին քաղաքական հաշիվների զոհը դառնա: Պատմությունը, միևնույն է, չէր փոխվի, եթե այդ քվեարկության արդյունքում մեկ ձայնի առավելությունը լիներ բանաձևի ընդունման դեմ: Այդ պատճառով, հույս ունեմ, որ նախագահ Օբաման ապրիլի 24-ի իր ելույթում ուշադրության կառնի Թուրքիայի դրական մտադրությունները` Կովկասի և հարակից տարածաշրջանների վերաբերյալ», -ասել է նա և հավելել, որ «Թուրքիան և թուրք ժողովուրդը երբեք տեղի չեն տա իրենց դեմ ուղղված ճնշումներին»:
Թուրքական թերթերը հայտնել են, որ Թուրքիայի ԱԳՆ-ը պաշտոնապես հաստատել է այդ տեղեկությունը` հավելելով, որ ԱՄՆ պետքարտուղարը կարևորել է ապրիլի 12-14-ին Վաշինգտոնում ծրագրված միջուկային անվտանգության գագաթնաժողովին Թուրքիայի մասնակցության հարցը: Հ. Քլինթոնը շեշտել է, որ Վաշինգտոնում սպասում են վարչապետ Թայիփ Էրդողանի այցին, ինչին ի պատասխան Ա.Դավութօղլուն խոստացել է Անկարայի վերջնական որոշումն այդ մասին հայտնել «առաջիկա օրերին»:
|
|
Просмотров: 610 |
Добавил: Voskanapat
| Рейтинг: 0.0/0 |
