«Ադրբեջանը լուրջ է վերաբերվում այն հարցին, որ ԼՂ հակամարտությունը պետք է լուծվի խաղաղ ճանապարհով,- այս մասին «1 նյուզ ազ»-ի փոխանցմամբ հայտարարել է Ադրբեջանում ԱՄՆ դեսպան Մեթյու Բրայզան:
Աղբյուրի փոխանցմամբ, նա անդրադարձել է ՌԴ ԱԳ նախարար Սերգեյ Լավորվի հայտարարության և նշել, որ չի կարող այն մեկնաբանել:
Հիշեցնենք, որ ՌԴ ԱԳ նախարար Սերգեյ Լավրովը ՄԱԿ-ի ԳԱ նստաշրջանի ժամանակ հայտարարել էր.
«Կողմերից յուրաքանչյուրի կողմից հակաօրինական ուժի կիրառման պարագայում Ռուսաստանը պատրաստ է ձեռնարկել բոլոր միջոցները՝ տարածաշրջանում խաղաղություն հաստատելու համար։ Մենք կշարունակենք առաջ քաշել հավելյալ հնարավորություններ՝ խնդրի խաղաղ կարգավորման համար, որոնք ի հայտ են եկել Ռուսաստանի միջնորդական ջանքերի արդյունքում։ Մենք կշարունակենք ԵԱՀԿ Մինսկի խմբի շրջանակներում մեր գործընկերներ Ֆրանսիայի ու ԱՄՆ-ի հետ առաջ տանել խնդրի խաղաղ կարգավորման գործընթացը»։
«Այժմ, ի տարբերության անցյալի, ես չեմ լսում որևէ հայտարարություն, որ ԼՂ հակամարտությունը պետք է լուծվի ռազմական միջամտությամբ և բանակցային գործընթացում տվյալ փաստը դրական միտում է»,- նշել է Բրայզան և հավելել, որ առաջնահերթ խնդիրը ԼՂ հակամարտության հիմնարար սկզբունքների համաձայնեցումն է:
/Panorama.am/
|