Блог
Главная »
2009 »
Ноябрь »
19 » ԼՂՀ վարչապետ. «Հայ–թուրքական հարաբերությունները ոչ մի կապ չունեն ղարաբաղյան հակամարտության կարգավորման հետ»
23:24 ԼՂՀ վարչապետ. «Հայ–թուրքական հարաբերությունները ոչ մի կապ չունեն ղարաբաղյան հակամարտության կարգավորման հետ» |
-Հայ-թուրքական հարաբերությունները ոչ մի կապ չունեն ղարաբաղյան հակամարտության կարգավորման հետ և դրանց հետագա զարգացումը չպետք է տեղի ունենա Ղարաբաղյան հարցում միակողմանի զիջումների և 1915թ. հայոց ցեղասպանության չճանաչման հաշվին,- Նյու Յորքում ԱՄՆ հյուսիսային ափի ՀՅԴ Կենտրոնական կոմիտեի ներկայացուցիչ Անդրանիկ Գասպարյանի և Կենտրոնական կոմիտեի անդամ Հրայր Բարոնյանի հետ հանդիպման ժամանակ ասել է Լեռնային Ղարաբաղի վարչապետ Արա Հարությունյանը։
Հանդիպման ընթացքում քննարկվել են ղարաբաղյան հակամարտության կարգավորմանը վերաբերող հարցեր, Արցախի սոցիալ-տնտեսական զարգացման հարցերը, սփյուռքին և Հայրենիքի միջև կապերը և այլն։
Հանդիպմանը մասնակցել են Հայ առաքելական եկեղեցու Արցախյան թեմի արքեպիսկոպոս Պարգև Մարտիրոսյանը, ԼՂՀ նախագահի գլխավոր տեղեկատվական կառավարման ապարատի պետ Դավիթ Բաբայանը և ԱՄՆ-ում ԼՂՀ մշտական ներկայացուցիչ Ռոբերտ Ավետիսյանը։
Նույն օրը ԼՂՀ պատվիրակությունը ՄԱԿ-ում Հայաստանի մշտական ներկայացուցչի հետ այցելել է ՄԱԿ, որտեղ Արա Հարությունյանը նշել է, որ «Արցախի անկախության միջազգային ճանաչումը և ՄԱԿ-ին ԼՂՀ անդամակցությունն ընդամենը ժամանակի հարց է»։
|
|
Просмотров: 711 |
Добавил: Voskanapat
| Рейтинг: 0.0/0 |
