Այսօր «Սիվիլիթաս» հիմնադրամում «Անկախության 20 տարիները Հայաստանում և տարածաշրջանում» թեմայով քննարկման ժամանակ հայտարարեց ԱՄՆ նախկին դեսպանը:
Նրա խոսքով, առաջընթացի հետ մեկտեղ ակնհայտ է նաև այն, որ կան թերություններ, և դա բոլոր երկրներում է, նույնիսկ իր սեփական երկրում` ԱՄՆ-ում:
«Միացյալ նահանգներում երկու հարյուր տարի է անցել Սահմանադրության ընդունումից, բայց էլի վիճելի հարցեր կան: Ինչ վերաբերում է Հայաստանին, ապա այստեղ մեծածավալ բարելավումներ կան, տեսնում եմ: Հնարավորություն չեմ ունեցել այցելել Հայաստանի մարզեր, գյուղեր, բայց Հազարամյակի մարտահրավերներ ծրագրերի արդյունքներն եմ տեսել», -հավելեց Էվանսը:
Հանդիպմանը ներկա մյուս բանախոսը` Հայաստանում Գերմանիայի գործող դեսպան Հանս-Յոխեն Շմիդտն էլ իր հերթին նկատեց, որ ճիշտ է առաջընթաց Հայաստանի զարգացման հարցում կա, բայց «հնարավոր էր ավելին անել»: Նրա խոսքով, կառավարության ղեկավարի թիմում «հիանալի մասնագետներ են հավաքված, շատ բարձր աշխատավարձեր են ստանում», կարելի էր ավելին անել:
/Panorama.am/
