Блог
Главная »
2009 » Ноябрь » 19 » ՀՀ պաշտոնապես միջնորդ չէ Վերին Լարսի բացման բանակցություններում
23:27 ՀՀ պաշտոնապես միջնորդ չէ Վերին Լարսի բացման բանակցություններում |
«Եթե Ռուսաստանը և Վրաստանը կարողանան համաձայնության գալ ռուս-վրացական սահմանի Վերին Լարս անցակետի վերաբացման հարցի շուրջ, Հայաստանը միայն կողջունի այդ փաստը»,- Aysor-ի հետ զրույցում նշեց ԱԳՆ մամուլի խոսնակ Տիգրան Բալայանը:
Ըստ Տ. Բալայանի, Հայաստանը պաշտոնապես միջնորդ չի հանդիսանում անցակետի վերաբացման հարցով երկու երկրների միջև տարվող բանակցություններում, և այս պահին Հայաստանի արտաքին գերատեսչությանը հայտնի չեն անցակետի շուրջ ընթացող բանակցությունների մանրամասները:
Հիշեցնենք, որ նոյեմբերի 13-ին Վրաստանի ազգային անվտանգության խորհրդի նիստի ժամանակ որոշում է կայացվել վրաց-ռուսական ցամաքային սահմանի Վերին Լարս անցակետի վերաբացման մասին:
Անցակետը փակվել է դեռևս 2006 թ-ի հուլիսին` ռուսական կողմից` տեխնիկական աշխատանքներ իրականացնելու պատճառաբանությամբ: Արդյունքում էապես բարդացնելով և կրճատելով ոչ միայն վրացական այլ նաև դեպի Հայաստան եկող ապրանքների փոխադրումը: Վերին Լարսով է իրականացվում Հայաստանի ցամաքային բեռանփոխադրումների 30 %-ը: |
|
Просмотров: 739 |
Добавил: Voskanapat
| Рейтинг: 0.0/0 |
