Ընդդիմադիր թերթի խմբագիր Գանիմաթ Զահիդն անվտանգության աշխատակիցների սպառնալիքների արդյունքում ստիպված է եղել իր ընտանիքը դուրս բերել Ադրբեջանի սահմաններից: Այս մասին է հաղորդում «Թուրան » լրատվական գործակալությունը:
Աղբյուրի փոխանցմամբ, վերջին երկու ամիսների ընթացքում, խմբագիրը իր ընտանիքի հետ միասին գտնվել է Թուրքիայում, որտեղ բուժումներ ստանալուց հետո տեղափոխվել է Եվրոպա:
Խմբագիրը, իր նամակներում հայտնել է, որ աշնանը, իր երեխաները անհայտ անձանց կողմից ենթարկվել են սպառնալիքների:
Տեղեկությունների համաձայն, սպառնալիքները լուրջ են եղել, քանի որ տեղեկատվական աղբյուրները նրան հայտնել են, որ որոշակի կառավարական շրջանակներ որոշել են պատժել վերջինիս, իշխանությունների մասին՝ քրեական կապեր ունենալու, ինչպես նաև կոռուպցիայի մեջ մեղադրվելու հրապարակումներ տպագրելու պատճառով:
Նշենք, որ իր նամակում, խմբագիրը հայտնել է, որ շուտով նա իր երկիր է վերադառնալու:
Հիշեցնենք, որ մի քանի տարի առաջ Գանիմատ Զախիդը և նրա եղբայր Միրզա Զախիդը կեղծ մեղադրանքներով դատապարտվել են 3 և 4 տարի ազատազրկման: Նրանք ճանաչվել են քաղբանտարկյալներ և իշխանությունների գործողությունները դատապարտվել է միջազգային հանրության կողմից:
/Panorama.am/
| 
