Ֆինանսիստների և բանկիրների համահայկական առաջին համաժողովի կազմկոմիտեն ՀՀ սփյուռքի նախարարության, ՀՀ կենտրոնական բանկի և Հայաստանի բանկերի միության անունից դիմում է աշխարհասփյուռ հայ ֆինանսիստներին և բանկիրներին` տեղեկացնելով, որ 2010 թվականի հոկտեմբերի 17-19-ը Երևան քաղաքում կազմակերպվելու է Ֆինանսիստների և բանկիրների համահայկական առաջին համաժողով:
Ինչպես հայտնում են ՀՀ սփյուռքի նախարարության հասարակայնության հետ կապերի վարչությունից, ՀՀ Համաժողովի նպատակն է ֆինանսիստների և բանկիրների համահայկական ընկերակցության ստեղծման միջոցով նպաստել հայ ֆինանսիստների և բանկիրների համագործակցության ակտիվացմանը:
«Խնդրում ենք, մինչեւ ս.թ. սեպտեմբերի 1-ը ՀՀ սփյուռքի նախարարության (Վազգեն Սարգսյանի 26/1, 5-րդ հարկ, հեռ` 58-56-01(1-14) e-mail: finance_forum@mindiaspora.am հասցեով տեղեկացնել Ձեր մասնակցության մասին:
Խնդրում ենք մասնակցության հայտին կցել նաեւ Ձեր մասին համառոտ տեղեկություն (աշխատանք, պաշտոն, երկիր, հեռախոս, էլ. փոստի հասցե (email)», - ասված է հաղորդագրությունում:
Լրացուցիչ տեղեկություններ կարող եք ստանալ ՀՀ սփյուռքի նախարարության պաշտոնական կայքից` http://www.mindiaspora.am:
/Aysor.am/
| 
