Блог
Главная »
2011 »
Октябрь »
21 » Իտալիայի Սենատի պատվիրակությունը Երևանում է
17:28 Իտալիայի Սենատի պատվիրակությունը Երևանում է |
Այսօր ԱԳ նախարար Էդվարդ Նալբադյանն ընդունել է Իտալիայի Սենատի պատվիրակությանը` Եվրոպական միության քաղաքականության հարցերով հանձնաժողովի անդամներ Ռոսանա Բոլդիին, Կրիստիանո դե Եկերին և Հայաստան-Իտալիա պատգամավորական բարեկամության խմբի նախագահ Ալբերտինա Սոլիանիին:
Ողջունելով հյուրերին` նախարար Նալբանդյանը նշել է, որ հայ-իտալական բարեկամական կապերն ավանդական բնույթ ունեն, և Հայաստանը շահագրգռված է թե' երկկողմ և թե' բազմակողմ բնագավառներում Իտալիայի հետ փոխգործակցության զարգացմամբ և ընդգծեց խորհրդարանական ձևաչափի կարևոր նշանակությունը միջպետական համագործակցության զարգացման համար:
Շնորհակալություն հայտնելով ընդունելության համար` իտալացի խորհրդարանականները նշել են, որ Հայաստան են ժամանել Հայաստանի Ազգային ժողովի հետ համագործակցությունը խթանելու, Հայաստան-Եվրոպական Միություն հարաբերությունների ներկա վիճակը և հեռանկարները քննարկելու, Հայաստանում իրականացվող բարեփոխումներին ծանոթանալու նպատակով, և հավաստիացրել են, որ շարունակելու են իրենց նպաստը բերել Հայաստանի և Իտալիայի միջև բարեկամական հարաբերությունների խորացման գործին:
Հանդիպմանը քննարկում է ծավալվել հայ-իտալական հարաբերությունների առավել ամրապնդման, Հայաստան – Եվրոպական միություն համագործակցության, տարածաշրջանային խնդիրների լուծման վերաբերյալ:
/Panorama.am/
|
|
Просмотров: 532 |
Добавил: Voskanapat
| Рейтинг: 0.0/0 |
