«Ուղիղ 20 տարի առաջ այս օրը Հայաստանի Հանրապետության Գերագույն Խորհուրդն ընդունեց շատ կարևոր փաստաթուղթ, որն ունեցավ ծրագրային և իրավական չափազանց կարևոր ուժ»,- այսօր լրագրողների հետ հանդիպման ժամանակ նշեց Պատմական գիտությունների դոկտոր, պրոֆեսոր, ԵՊՀ Պատմության ֆակուլտետի դեկան Էդիկ Մինասյանը` բոլորին շնորհավորելով Անկախության հռչակագրի օրվա առթիվ:
Պատմաբանը շեշտեց, որ «Հռչակագիր Հայաստանի անկախության մասին» փաստաթղթով դրվեց Հայաստանի Հանարպետության անկախ պետականության հաստատման գործընթացի սկիզբը:
«Ցանկացած ժողովրդի հիմնական նպատակը ազատության և անկախության հասնելն է»,- շեշտեց Է. Մինայսյանը և հիշեցրեց, որ անկախության վերաբերյալ ծրագրային փաստաթուղը բաղկացած է 12 կետից և նրանում նախանշվում են քաղաքական, տնտեսական և մշակութային զարգացումները:
ԵՊՀ Պատմության ֆակուլտետի դեկանը հիշեցերց, որ անկախության մասին փաստաթղթով ընդունվեց Հայաստանի Հանրապետության զինանշանը, դրոշը, հիմնը և հենց հաջորդ օրը` օգոստոսի 24-ին, եռագույնը ծածանվեց Հայաստանի Գերագույն Խորհրդի նախագահության շենքի վրա:
«Հռչակագիր Հայաստանի անկախության մասին» փաստաթուղթը հանդիսանում էր Հայաստանի հանրապետության հիմնական փաստաթուղթը»,- ընդգծեց Էդիկ Մինասյանը:
/Aysor.am/
| 
