«ՀԱՊԿ գագաթնաժողովը Հայաստանում անցկացնելը սիմվոլիկ նշանակություն ունի»,- լրագրողների հետ հանդիպման ժամանակ ընդգծեց քաղաքագետ Սերգեյ Մինասյանը, ով նշեց նաև, որ ՀԱՊԿ-ը Հայաստանի համար 3 առանձնահատկություն ունի:
Ս. Մինասյանի մեկնաբանությամբ` առաջինը ՀԱՊԿ-ի շրջանակներում Արագ արձագանքման ջոկատների ստեղծումն է, որը Հայաստան-Ադրբեջան հնարավոր հակամարտության դեպքում կարևոր դերակատարություն կարող է ունենալ, ինչպես նաև կարող է նպաստել Հայաստանի հատուկ նշանակության զորքերի զարգացմանը:
«Երկրորդ` Հայաստանը ՀԱՊԿ շրջանակներում հնարավորություն ունի ավելի լայնացնել ռազմատեխնիկական համակարգը ՀԱՊԿ անդամ երկրների հետ, և երրորդ` ՀԱՊԿ-ը տալիս է քաղաքական դիվիդենտներ»,- հայտնեց Ս. Մինասյանը:
Այն, որ ՀԱՊԿ ոչ պաշտոնական գագաթնաժողովն անցկացվում է Հայաստանում, քաղաքագետ Ս. Մինասյանի խոսքերով` «ավելի լավ է ու դրական, քան բացասական»: Ըստ նրա, իրականում ՀԱՊԿ գագաթնաժողովները ռոտացիայի սկզբունքով անցկացվում են գրեթե բոլոր անդամ երկրներում, այդ պատճառով էլ` Հայաստանի համար ՀԱՊԿ նշանակությունն ավելի կարևոր էր 2 տարի առաջ, երբ Հայաստանն էր ՀԱՊԿ նախագահող երկիրը: /Aysor.am/
| 
