Երկու թուրքական կազմակերպություններ ընդդեմ թուրքական բանակի մեղադրանք են ներկայացրել՝ մեղադրելով վերջինիս Քրդական աշխատավորական կուսակցության (PKK) դեմ պայքարում քիմիական զենքի օգտագործման համար: Այս մասին հաղորդում է «anspress.com» լրատվական գործակալությունը:
Մարդու իրավունքների թուրքական ասոցիացիայի և համերաշխության ասոցիացիան զոհերի ընտանիքների հետ մեկտեղ հայց է ներկայացրել, որտեղ նրանք պնդում են, որ քրդերը սպանվել են իրենց դեմ օգտագործված քիմիական զենքերից:
Աղբյուրի փոխանցմամբ Թուրքիայում Մարդու իրավունքների կազմակերպության ղեկավար Ռաչի Բալչին հայտարարել է, որ երկրում քաղաքացիական պատերազմ է ընթանում երեք տասնյակ տարի, և որի ընթացքում տեղի են ունենում մարդու իրավունքների բազմաթիվ խախտումներ:
Բալչինը կոչ է արել թուրքական իշխանություններին բացահայտել քրդերի մահվան պատճառները:
«Որոշ սպանվածների մարմիններ (PKK) չունեն հրազենային վերքեր, բայց այտուցված են եղել, որն էլ պահանջում է հետաքննություն:
Բալչինի կարծիքով, «Քրդական աշխատավորական կուսակցության դեմ օգտագործված է եղել քիմիական զենք», և կոչ է արել բոլորին «պայքարել ռազմական հանցագործությունների դեմ»:
/panorama.am/
|