Блог
Главная »
2010 » Сентябрь » 17 » ՌԴ բազաների ժամկետների երկարացումը բխում է ՀՀ ազգային շահերից
11:04 ՌԴ բազաների ժամկետների երկարացումը բխում է ՀՀ ազգային շահերից |
ՀՀ տարածքում ռուսական ռազմակայանների տեղակայման ժամկետներն երկարացնելու մասին որոշումը բխում է Հայաստանի ազգային շահերից: Այդ մաիսն «Պրոֆիլ» ուկրաինական ամսագրին տված հարցազրույցում հայտարարել է ՀՀ նախագահ Սերժ Սարգսյանը:
«Գիտեք` ես ինքս դա արել եմ հաճույքով: Երևի շատ անգամ եք լսել, որ ոչ մի պետություն, նույնիսկ ամենահզորն ու ամենամեծը, իսկ առավել ևս` փոքրիկ Հայաստանն ի վիճակի չէ միայնակ ապահովել իր անվտանգությունը: Մենք Ռուսաստանի հետ դաշնակիցներ ենք և ռազմավարական գործընկերներ ոչ միայն երկկողմ հիմքով, այլև ՀԱՊԿ շրջանակներում: Մենք ապրում ենք մի տարածաշրջանում, որտեղ կան շատ սպառնալիքներ և վտանգներ: Որոշ երկրներ առանձին դեպքերում նույնիսկ կասկածի տակ են առնում հայերի` իրենց պատմական հողում ապրելու իրավունքը: Ելնելով պատմական և արդի պատճառներից` մեր տարածաշրջանում մեծ է զինված բախումների հավանականությունը»,- ասել է ՀՀ նախագահը:
«Ռուսական կողմի շահն իր զինված ուժերի զարգացման, իր ռազմավարական շահերի երկարատև պլանավորման հնարավորությունն է: Մեր շահագրգռությունը` մեր անվտանգության ապահովման գործում օգնությունն ու աջակցությունն է: Սա լուրջ գործոն է ռազմական գործողությունները չվերսկսելու, դրանք կանխելու համար և լավ հնարավորություն` մեր բանակը ժամանակակից չափանիշներով վերազինելու համար: Ուստի, ես կարծում եմ, որ ժամկետների երկարացումը բխում է մեր ազգային շահերից»,- նշել է Սերժ Սարգսյանը:
/Aysor.am/
|
|
Просмотров: 517 |
Добавил: Voskanapat
| Рейтинг: 0.0/0 |
