Блог
Главная »
2010 » Сентябрь » 30 » Մայր Աթոռի դիվանապետն ընդունել է ԱՊՀ վերահսկիչ մարմնի անդամներին
16:50 Մայր Աթոռի դիվանապետն ընդունել է ԱՊՀ վերահսկիչ մարմնի անդամներին |
Այսօր Մայր Աթոռ Սուրբ Էջմիածնում, Մայր Աթոռի դիվանապետ Տ. Արշակ եպիսկոպոս Խաչատրյանն ընդունել է Հայաստանում անցկացվող ԱՊՀ բարձրագույն վերահսկիչ մարմինների ղեկավարների 10-րդ նիստի մասնակիցներին:
Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի անունից ողջունելով հյուրերի այցը ամենայն հայոց հոգևոր կենտրոն` Արշակ Սրբազանն անդրադարձել է ԱՊՀ երկրների միջև տարբեր մակարդակներում սերտացող համագործակցության կարևորությանը և նիստի ընթացքում քննարկված հարցերի շրջագծին:
Հանդիպման ընթացքում վերահսկիչ մարմինների ղեկավարներին ներկայացվել է Մայր Աթոռ Սուրբ Էջմիածնի հիմնադրման պատմությունը և կարևոր առաքելությունը աշխարհասփյուռ հայ ժողովրդի կյանքում:
Հյուրերն այցելել են նաև Մայր Աթոռի թարգարանները, ծանոթացել հոգևոր մշակույթի ցուցանմուշներին:
Այս մասին տեղեկացնում է Մայր Աթոռ Ս.բ էջմիածնի Տեղեկատվական համակարգը:
/Aysor.am/
|
|
Просмотров: 592 |
Добавил: Voskanapat
| Рейтинг: 0.0/0 |
