Այսօր Հայաստանի ազգային գրադարանում տեղի ունեցավ ՀՀ-ում Ուրկրաինայի արտակարգ և լիազոր դեսպան Ալեքսանդր Բոժկոյի հետ հրաժեշտի հանդիպում: Հրաժեշտի, քանի որ դեսպանը ավարտում է իր երկրորդ պաշտոնավարման ժամկետը Հայաստանում որպես դեսպան, սակայն, ինչպես նկատեցին միջոցառման մասնակիցները, նա որպես հայագետ և թարգմանիչ մնում է կապված Հայաստանին:
«Անկախ այն բանից, թե Ուկրաինային նախագահի հրամանագրով Ալեքսանդր Բոժկոն կնշանակվի նորից Հայաստանում դեսպան, թե` ոչ Ա. Բոժկոն մշակույթի, գիտելիքի, իմացության առումով, նշանակված է»,- ընդգծեց Հայաստանի ազգային գրադարանի տնօրեն Դավիթ Սարգսյանը:
Հայաստանի գրողների միության նախագահ Լևոն Անանյանը միջոցառման մասնակիցներին հիշեցրեց Ա. Բոժկոյի «անթերի հայերենով» գրված աշխատանքները, թարգամանությունները, որոնք էլ ավելի ամուր կապեցին երկու ժողովուրդներին:
Այսօր ևս մեկ անգամ Ա. Բոժկոն շրջեց Հայաստանի ազգային գրադարանով, քանի որ ինչպես ինքն է հիշում, երկար ժամանակ է անցկացրել ՀԱԳ-ում ուսանողական տարիներին` ուսումնասիրելով հայ-ուկրաինական պատմական կապերը:
Ա. Բոժկոն նշեց, որ Ուկրաինայում արդեն հավաքել է հայերեն լեզվով գրքերի մեծ գրադարան, որը մտադիր է հանձնել Ուկրաինայի գիտությունների ակադեմիայի գրադարանին, որպեսզի բոլոր ցանկացողները կարողանան օգտվել հայերեն գրքերից:
/Aysor.am/
| 
