Блог
Главная »
2010 » Сентябрь » 9 » ԱԺ նախագահն ընդունել է Թուրքմենստանի նորանշանակ դեսպանին
16:18 ԱԺ նախագահն ընդունել է Թուրքմենստանի նորանշանակ դեսպանին |
ՀՀ Ազգային ժողովի նախագահ Հովիկ Աբրահամյանն այսօր ընդունել է Հայաստանում Թուրքմենստանի նորանշանակ դեսպան Աթա Սերդարովին: ՀՀ ԱԺ հասարակայնության և տեղեկատվության միջոցների հետ կապերի վարչությունը հայտնում է, որ շնորհավորելով դեսպանին նշանակման կապակցությամբ` Հովիկ Աբրահամյանը հույս է հայտնել, որ նրա աշխատանքը կնպաստի հայ-թուրքմենական փոխշահավետ հարաբերությունների առավել ամրապնդմանն ու խորացմանը: Որպես խորհրդարանի նախագահ` նա պատրաստակամություն է հայտնել աջակցել երկկողմ հարաբերությունների արդյունավետ զարգացման համար անհրաժեշտ օրենսդրական դաշտի ձևավորմանը:
ՀՀ Ազգային ժողովի նախագահը կարևորել է միջխորհրդարանական կապերի զարգացումը երկու երկրների օրենսդիր մարմինների միջև` նշելով, որ պատրաստ է օժանդակել այդ կապերի ակտիվացմանը:
Թուրքմենստանի դեսպան Աթա Սերդարովը վստահեցրել է, որ իր գիտելիքներն ու փորձը կօգտագործի հայ-թուրքմենական հարաբերությունների ամրապնդման և զարգացման համար:
Հայաստանի խորհրդարանում գործում է Հայաստան- Թուրքմենստան պատգամավորական բարեկամության խումբ. ՀՀ ԱԺ նախագահը կարևորել է, որ Թուրքմենստանի խորհրդարանում ևս ստեղծվի նման պատգամավորական բարեկամության խումբ:
Ըստ աղբյուրի` քննարկվել են նաև երկկողմ հարաբերություններին առնչվող այլ հարցեր:
/Aysor.am/
|
|
Просмотров: 468 |
Добавил: Voskanapat
| Рейтинг: 0.0/0 |
