Блог
Главная »
2010 »
Сентябрь »
10 » Ադրբեջանը պետք է զերծ մնա գործընթացը այլ հարթակներ տեղափոխելուց
11:22 Ադրբեջանը պետք է զերծ մնա գործընթացը այլ հարթակներ տեղափոխելուց |
Սեպտեմբերի 9-ին ՄԱԿ-ի Գլխավոր ասամբլեայում Ադրբեջանը իր կողմից ներկայացված թիվ A/64/L.57 բանաձևի նախագիծը հանեց քննարկումից և քվեարկությունից` խնդրելով համապատասխան օրակարգի կետը տեղափոխել ԳԱ 65-րդ նստաշրջանի օրակարգ:
«Շնորհակալ ենք ՄԱԿ-ի անդամ բոլոր այն երկրներին և առաջին հերթին ԵԱՀԿ ՄԽ համանախագահ պետություններին, որոնք իրենց դիրքորոշմամբ կանխեցին Ադրբեջանի փորձերը շեղել և վնաս հասցնել ղարաբաղյան հիմնախնդրի կարգավորման բանակցային գործընթացին` թույլ չտալով ՄԱԿ-ի ԳԱ-ում Ադրբեջանի կողմից ներկայացված ապակառուցողական բանաձևի ընդունումը:
ԵԱՀԿ ՄԽ համանախագահների դաշտային առաքելությունը ԼՂ հարակից շրջաններ ոչ մի առնչություն չունի Ադրբեջանի կողմից ՄԱԿ-ի ԳԱ ներկայացված բանաձևի նախագծի հետ: ԵԱՀԿ Մինսկի խմբի համանախագահները ս.թ. սեպտեմբերի 6-ի հայտարարության մեջ նշեցին, որ ԼՂ հարակից շրջաններ ԵԱՀԿ Մինսկի խմբի համանախագահների դաշտային առաքելության մասին պայմանավորվածությունը ձեռք էր բերվել կողմերի միջև ամառվանից առաջ, այսինքն` Ադրբեջանի կողմից ՄԱԿ-ի Գլխավոր ասամբլեա բանաձևի նախագծի ներկայացումից շաբաթներ առաջ:
Ադրբեջանը պետք է զերծ մնա Մինսկի խմբի շրջանակներում ընթացող կարգավորման գործընթացը այլ հարթակներ տեղափոխելու շարունակական փորձերից, սադրիչ ու ռազմատենչ հայտարարություններից և գործողություններից, որպեսզի բանակցային գործընթացը առավել կառուցողական և արդյունավետ ընթացք ունենա», - ասված է ՄԱԿ Գլխավոր ասամբլեայի նիստում տեղի ունեցած զարգացումների առթիվ Հայաստանի Հանրապետության արտաքին գործերի նախարարության հայտարարության տեքստում:
/Aysor.am/
|
|
Просмотров: 493 |
Добавил: Voskanapat
| Рейтинг: 0.0/0 |
