Երևանում մեկնարկած կովկասյան քառյակի` Ռուսաստան, Հայատան, Վրաստան և Ադրբեջան, ավանդական դարձած «Անվտանգության և տեղեկատվական համագործակցության խնդիրները Հարավային Կովկասում» խորագրով 5-րդ հոբելյանական գիտաժողովի աշխատանքներին այս տարի Ադրբեջանի պատվիրակները չեն մասնակցում:
Հիշեցնենք, որ գիտաժողովը կազմակերպել են «ՌԻԱ Նովոստի» միջազգային լրատվության ռուսական գործակալությունը և ՀՀ Նախագահի աշխատակազմի «Հանրային կապերի և տեղեկատվության» կենտրոնը: Գիտաժողովին մասնակցում են Հայաստանի, Վրաստանի, Ռուսաստանի ԶԼՄ ներկայացուցիչներ, փորձագետներ, հասարակական գործիչներ:
Ինչպես լրագրողներին հայտնեց «ՌԻԱ Նովոստի» գործակալության ԱՊՀ և բալթյան երկրների խմբագրության ղեկավար Ալան Կասաևը, Ադրբեջանի ներկայացուցիչները բացակայում են, քանի որ հարևան երկրում ընտրական գործընթացներ են. «Բոլոր անձինք, որոնց մենք ցանկանում էինք հրավիրել այստեղ, այս կամ այն կերպ ներգրավված են խորհրդարանական ընտրություններում»:
Ա. Կասաևը հայտնեց, որ անցած 5 տարիների ընթացքում ձևավորվել է հարցերի հստակ շրջանակ, որոք ներառված են գիտաժողովի օրակարգում, ձևավորվել է բոլոր երկրներից փորձագետների մեծ խումբ, մի քանի հարյուր հրապարակումներ են եղել, տարբեր տարիներին կայացել են բազմաթիվ հանդիպումներ ՀՀ ղեկավարության հետ, ձեռք են բերվել գործընկեր կազմակերպություններ:
«Այսօր քննարկվելու են վերջին ամիսներին առաջնահերթ խնդիրները. ՌԴ նախագահը այցելություններ ունեցավ և՛ Հայաստան, ՛և Ադրբեջան, ռուս-հայկական հարաբերությունները բարձրացել են ռազմավարական նոր մակարդակի, բացահայտվել են մի շարք խնդիրներ, նորացել է Մինսկի խմբի անձնակազմը, ինչպես նաև փոխվել է Մինսի խմբի աշխատանքի օրակարգը»,- նշեց Ա. Կասաևը, միաժամանակ կարևորելով նաև տարածաշրջանում էներգետիկ համագործակցությունը:
/Aysor.am/
|
