Блог
Главная »
2011 »
Март »
25 » «Ենի Մուսավաթ». «Ադրբեջանի տրանսպորտի նախարարը գլխավորում է օլիգարխների փողն այլ երկրներ տեղափոխելու գործը»
16:12 «Ենի Մուսավաթ». «Ադրբեջանի տրանսպորտի նախարարը գլխավորում է օլիգարխների փողն այլ երկրներ տեղափոխելու գործը» |
Արաբական երկրներում տեղի ունեցող հեղափոխություններից վախեցած Ադրբեջանի օլիգարխ պաշտոնյաները ճանապարհներ են որոնում կոռուպցիայի և կաշառակերության, մենաշնորհային գործունեության հաշվին ձեռք բերած հարստություններն ու միլիարդների հասնող կանխիկ փողը Ադրբեջանից դուրս բերելու և այլ ապահով երկրներ` Թուրքիա, Ռուսաստան, Ուկրաինա տեղափոխելու համար: Փողերն Ադրբեջանից հիմնականում դուրս են բերվում իբրև գաղտնի բեռներ: Բնական է, որ այդ գործընթացը կյանքի է կոչվում համապատասխան կառույցների հետ համաձայնության պայմաններում: Այս մասին հայտնում է «Ենի Մուսավաթ» թերթը` նշելով, որ այդ գործընթացը ղեկավարում է Ադրբեջանի տրանսպորտի նախարար Զիա Մամեդովը:
Թերթին հայտնի է դարձել, որ այդ գործի համար հատուկ ջերմեռանդություն է ցուցաբերում նախարարի մերձակա շրջապատը: Նշվում է, որ մի քանի այլ օլիգարխ պաշտոնյաներ ևս իրենց կանխիկ գումարները արտասահման փողադրելու գործը վստահել և հանձնարարել են Զիա Մամեդովին:
«Այս շտապողականության հիմնական պատճառը Ադրբեջանում ստեղծված քաղաքական իրավիճակն է: Արաբական երկրներում տեղի ունեցածից վախեցած կոռուպցիոներ և կաշառակեր պաշտոնյաները գիտեն, որ իրենց լավ հեռանկար չի սպասվում, և որ Արևմուտքը չի երաշխավորում նման ճանապարհով կուտակած կապիտալը: Արաբ պաշտոնյաների` արևմտյան երկրների բանկերում եղած հաշիվների սառեցումը, նրանց նկատմամբ տարբեր արգելանքներ կիրառելը այլընտրանք չի թողել Ադրբեջանի պաշտոնյաների համար»,- եզրահանգում է թերթը:
/Panorama.am/
|
|
Просмотров: 447 |
Добавил: Voskanapat
| Рейтинг: 0.0/0 |
