Ադրբեջանում ԱՄՆ դեսպան Մեթյու Բրայզան անթույլատրելի է համարում Երևանից-Ստեփանակերտ թռչող քաղաքացիական օդանավերը ոչնչացնելու մասին հայտարարությունները: Այս մասին տեղեկացնում է «1նյուզ.ազ» լրատվական կայքը:
Հիշեցնենք, որ նախապես Ադրբեջանի ավիացիայի պետական կոմիտեի ղեկավարը հայտարարել էր, թե իրենք կոչընչացնեն Արցախ ժամանող ցանկացած օդանավ, այդ թվում՝ քաղաքացիական, ինչին հետևեց միջազգային հանրության կոշտ քննադատությունը: Դրան հետևեց Ադրբեջանի ԱԳՆ մեղմ արձագանքը, որում նշվում էր, թե Ադրբեջանը չի պատրաստվում կրակ բացել քաղաքացիական օդանավերի ուղղությամբ:
«Չնայած այն հանգամանքին, որ ամեն կողմն էլ համարում է, թե ինքն է արդարացի, ցանկացած դեպքում, ինքնաթիռներ ոչնչացնելն անթույլատրելի է»,- նշել է Ադրբեջանում ԱՄՆ դեսպանը:
Ամերիկացի դիվանագետն իր գոհությունակությունն է հայտնել այն կապակցությամբ, որ Ադրբեջանի ղեկավարությունը վերանայել է իր դիրքորոշումը և փորձում է իր խնդիրները կարգավորել Քաղաքացիական ավիացիայի միջազգային կազմակերպության միջոցով:
«Մենք հանդես են գալիս նման խնդրահարույց հարցերը բանակցությունենրի միջոցով կարգավորելու օգտին»,- նշել է Մ. Բրայզան՝ հիշեցնելով, որ Բաքու-Նախիջևան չվերթն էլ իրականացվում է Հայաստանի օդային տարածքով:
/Panorama.am/
|