ԵՐԵՎԱՆ, 4 նոյեմբերի. /Նովոստի-Արմենիա/. Մեկ ամիս առաջ ադրբեջանական գերության մեջ զոհված հայ հովիվ Մանվել Սարիբեկյանի մարմինը կենթարկվի դատաբժշկական փորձաքննության, հինգշաբթի լրագրողներին ասաց ՀՀ պաշտպանության նախարարի մամուլի քարտուղար Դավիթ Կարապետյանը:
«Փորձաքննության արդյունքները կներկայացվեն հասարակությանը առավելագույնս կարճ ժամկետներում», - ասաց նա:
Երևանը Բաքվին է հանձնել նախորդ տարվա դեկտեմբերի վերջին հայկական սահմանն անօրինական հատած Ադրբեջանի քաղաքացի Հելդար Տագիևին՝ փոխարենը ստանալով ադրբեջանական գերության մեջ զոհված հովիվ Մանվել Սարիբեկյանի մարմինը։
Կարապետյանը տեղեկացրեց, որ Սարիբեկյանի հարազատներին կիրազեկեն մարմնի փոխանցման փաստի մասին:
Հայաստանի գերիների, պատանդների և անհայտ կորածների հանձնաժողովի աշխատանքային խմբի ղեկավար Արմեն Կապրիելյանն իր հերթին ասել է, որ ադրբեջանական գերության մեջ Սարիբեկյանի մահվան գործը գտնվում է ՀՀ ԱԱԾ-ի քննչական վարչության վարույթում:
Ադրբեջանական ԶԼՄ-ների հաղորդագրության համաձայն՝ սեպտեմբերի 11-ին գերի վերցված Մանվել Սարիբեկյանն իբր կախվել էր հոկտեմբերի 5-ին։ Ավելի վաղ ադրբեջանական ԶԼՄ-ները տեղեկատվություն էին տարածել, որում փորձել են մոլորված հայ հովվին որպես «դիվերսիոն խմբի անդամ» ներկայացնել։
/Newsarmenia.ru/
| 
