«Եթե ինչ որ մեկը կարող է մտածել, թե Ադրբեջանը իրենից ներկայացնում է հաջողակ կառավարվող տնտեսություն, ապա նշենք, որ այն կառավարվում է դիկտատորների կողմից: Մեր իշխանությունները չեն ցուցաբերում հանդուրժողականություն ոչ միայն քաղաքական հակառակորդների, այլ նաև բիզնեսում իրենց մրցակիցների նկատմամբ»: Այս մասին հայտնել է Թուրան լրատվական գործակալությունը, վերլուծական անդրադարձ կատարելով «Doing Business 2012» զեկույցում Ադրբեջանի զբաղեցրած հորիզոնականին:
Վերլուծելով զեկույցի մանրամասները և Ադրբեջանի տնտեսական բարեփոխումները, աղբյուրը նշել է, թե զարմանալի է, որ Ադրբեջանը արդեն 4 տարի է միշտ բարձրաձայնում է, որ «Ադրբեջանը բարելավել է իր դիրքերը», այնինչ «չի փոխվել երկրի մենաշնորհային անհեթեթ իրավիճակը: Մենաշնորհը Ադրբեջանում կիսապետական է ըստ ձևի, և հակապետական ըստ բովանդակության: Պետության ղեկավարը և կառավարության անդամները բացահայտ հովանավորում են անձամբ իրենց կամ իրենց ընտանիքի անդամների հիմնադրած ընկերություններին»:
Հիշեցնենք, որ Համաշխարհային բանկը հրապարակել է «Doing Business 2012» զեկույցը, որի համաձայն 183 երկրների ցանկում Հայաստանն այս տարի 6 կետով բարելավել է դիրքերը` զբաղեցնելով 55-րդ հորիզոնականը նախորդ տարվա 61-րդ տեղի փոխարեն: Իսկ Ադրբեջանը իր տնտեսական ոլորտների բարեփոխումներով զբաղեցնում է 66-րդ հորիզոնականը:
/Panorama.am/
|
