Блог
Главная »
2011 »
Сентябрь »
28 » Բակո Սահակյան. Ադրբեջանի տեղեկատվական հարձակումները աղմկոտ են, բայց նույնիսկ հոգեբանական ազդեցություն չունեն
17:31 Բակո Սահակյան. Ադրբեջանի տեղեկատվական հարձակումները աղմկոտ են, բայց նույնիսկ հոգեբանական ազդեցություն չունեն |
«Երբ մենք խոսում ենք [Ադրբեջանի կողմից] տեղեկատվական հարձակումների մասին, անհրաժեշտ է ի նկատի ունենալ այն, որ այն հարձակումները, որոնք այսօր իրականցնում է Ադրբեջանը, աղմկոտ հարձակումներ են, հիստերիկ բնույթի և հոգեբանական տեսակետից չեն կարող մեզ վրա ազդեցություն ունենալ», - այսօր ի պատասխան Սլավոնական համալսարանի ուսանողներից մեկի հարցին` ասաց ԼՂՀ նախագահ Բակո Սահակյանը:
Խոսելով Արցախի տեղեկատվական անվտանգության մասին, Սլավոնական համալսարանի նորընծա պատվավոր դոկտոր Բակո Սահակյանը նշել է, որ չնայած ներկայումս տեղեկատվական հարձակումներից պաշտպանվելու հնարավորությունները «միջին աստիճանի» վրա են, համապատասխան աշխատանքներ են իրականցվում, և ժամանակակից տեխնոլոգիաների կիրառությունը հնարավորություն կտա ապագայում ավելի բարձր աստիճանի բարձրացնել տեղեկատվական անվտանգության մակարդակը:
Հիշեցնենք, որ Արցախի Հանրապետության Նախագահ Բակո Սահակյանն այսօր այցելել է Հայ-ռուսական (Սլավոնական) համալսարան և մասնակցել բուհի Գիտական խորհրդի ընդլայնված նիստին՝ նվիրված ԼՂՀ հռչակման 20-ամյակին: Բուհի ռեկտոր Արմեն Դարբինյանը Նախագահ Սահակյանին է հանձնել Հայ-ռուսական (սլավոնական) համալսարանի պատվո շքանշանը և պատվավոր դոկտորի վկայականը: Բակո Սահակյանը երախտագիտություն է հայտնել նման գնահատանքի համար:
/Panorama.am/
|
|
Просмотров: 478 |
Добавил: Voskanapat
| Рейтинг: 0.0/0 |
