Դատապաշտպան Հաջիլի Օսման Քյազիմովը մատնացույց է արել դատական գործի շինծու լինելը: Նրա խոսքերով, միտինգի ժամանակ ապակիները ջարդել են ոչ թե մեղադրյալները, այլ սադրիչները: Դատապաշտպանը հնչեցրել է նրանցից մեկի անունը` Ասա Մահերամով: Վերջինս կապ ունի հատուկ ծառայությունների հետ և իր զինվորական ծառայությունն անցել է ԱԱԾ-ի զորամասում: Այս մասին հայտնում է «Թուրան» լրատվական գործակալությունը:
Հիշեցնենք, որ Սամաիլյան շրջանային դատարանում ընթացող սույն թվականի ապրիլի 2-ի միտինգին մասնակցելու համար ձերբակալված 4 ընդդիմադիր ակտիվիստների դատի ժամանակ ելույթ է ունեցել դատախազ Ջեյհունա Քյազիմովը: Նա խնդրել է դատավորին 233 հոդվածով (հասարակական կարգի խախտմանն ուղղված գործողությունների կազմակերպում) մեղադրյալներին մեղավոր ճանաչել ու դատապարտել նրանց` այդ թվում «Մուսաֆաթ» կուսակցության ղեկավար Արիֆ Հաջիլիին 2.5-3 տարի ազատազրկման:
Քյազիմովը հայտարարել է իր պաշտպայալի բացարձակ անմեղության մասին: Քյազիմովը լինելով «Մուսաֆաթ» կուսակցության վարչության անդամ, հիշեցրել է այդ կազմակերպության մոտեցող հարյուրամյա հոբելյանի մասին և կուսակցական առաջնորդի տեղի համար առաջ է քաշել Արիֆ Հաջիլիի թեկնածությունը: Իսկ մյուս դատապաշտպանը` Հաջիլի Ասաբալի Մուստաֆաևը հայտարարել է, որ հետաքննությունն օբյեկտիվ չի եղել և դատավորն այդպես էլ չի հրավիրել մայրաքաղաքի քաղաքապետարանի ու ոստիկանության ներկայացուցիչներին` խաղաղ ցույցերի ազատության իրավունքի ոտնահարման ու խաղաղ ակցիա անցկացնողների նկատմամբ ուժի կիրառման երևույթների պարզաբանման համար:
Դատապաշտպան Աբասլի Յավեր Հուսեինլին հայտարարել է, որ գործը քաղաքական բնույթ էր կրում և մեղադրյալները քաղբանտարկյալներ են: Դատապաշտպանի կարծիքով ակտիվիստների դեմ դատական հայցի նպատակը հասարակության մեջ վախի մթնոլորտ ստեղծելն է:
/Panorama.am/
| 
